غياب .. وجرح

موضوع: غياب .. وجرح السبت سبتمبر 20, 2008 7:36 am

ابونا الدمـــع لا منه ندهنا طاحـــت السكيـــــن
واخونا الشوك يا ام الوجع والخوف والحرمان

وتنثــر ابتهــالات القصيـــدة حرفــهــا آميـــــن
علـى اخـــر نواقيس الرجا والدفــئ والتحنــــان

عمر يبكي ..ولا والله قولــي هالعمــر مسكيـــــن
سجد حتى بكــت سجادتـــه وتنهـــدت جــــدران

عمر يشهق وبالوجه العبوس وفي دموعه ديــــن
نفض صوت الصراحه والكلم والبوح والكتمــان

مزامير ٍ تلاها الغيـــم حتـــى خرّت الركبيـــن
وسالت في تمايمها ضواري السالفه غــــدران

تنفس عطرها رملك غريبه ليـــه ما تدريـــــن
لبسني الموت في ذنب المصيبه ربـــي الغفـــران

ونامت في صباحات المداين رعشــة النسريــــن
زهر ويموت في حضن القساوه وجذوة الاشجان

ولو تدري الضلوع العوج عن تفاحة الوجهيــــن
عذرتي الارض لو منها دعت بالمن والسلــــوان

مصيبه نستلذ الموت ولا نــرجو حيـــاة البيــــن
عطتنا ظلمة المنفى وتهدينا عصــــى العميـــان

دخيلك كان لـك جرح ٍ بقالـــي انزفيـــه الحيــــن
ابي اخذ قبل ماارحل جروحي وأهدي الاوطان

وابروزها على شرفة تجي مكحولة العينيــــن
اشيل العمر في كفـــي ولا شالتنـــي الامتـــان

تريث يا مدار الوقت واستوحي شفاة الليـــن
ابسْـتوطن دمع جرحي لجل تبكيني الاكــوان

وإفرش صدرك الدافي حنان وفي خدودك تين
واستعذب بقايا رحلتك وانسى زمـــان ٍ كــــان

واقراء كل تفاصيل الحقيقه في قرارة عيــــن
زمان ٍ لو تجي إقصوصته هم ٍ .. تجي أزمان

يموت الدمع والام الحنون النار والسكيـــــن
تلاشى نزفها جرح ٍ ومات بقربهــا إنســـان!!

مدير المساهمات : 137 تاريخ التسجيل : 18/09/2008

مشكووووووووووور

كلماااااات راااااااائعة

تقبل مروري

تسلمي على المرور